ரஜினியின் ‘பாட்ஷா’ இந்தியில் டப்பிங்: 1000 தியேட்டர்களில் ரிலீஸ்

ரஜினி, நக்மா ஜோடியாக நடித்து 1995-ல் ரிலீசான படம் ‘பாட்ஷா’ தமிழகமெங்கும் வெற்றிகரமாக ஓடி வசூல் சாதனை படைத்தது. இப்படத்தில் இடம் பெற்ற “நான் ஆட்டோக்காரன் ஆட்டோக்காரன், “ரா.ரா.ரா ராமையா, “ஸ்டைலு ஸ்டைலுதான், “நீ நடந்தால் நடை அழகு” போன்ற பாடல்கள் பட்டிதொட்டியெங்கும் பிரபலம்.

‘பாட்ஷா’ படத்தை தற்போது புதிய தொழில்நுட்பத்தில் இந்தியில் டப்பிங் செய்து வெளியிடுகின்றனர். இதற்காக டிஜிட்டல் கலர் டெவலப்பிங் செய்து புதிய நெகட்டிவ் தயார் செய்துள்ளனர்.

அத்துடன் இசையமைப்பாளர் தேவா புதிய தொழில்நுட்பத்தில் மீண்டும் இசையமைத்துள்ளார். ஸ்டீரியோபோனிக் 5-1 தொழில்நுட்பத்தில் இசை வடிவமைக்கப்பட்டு உள்ளது.

இந்தியில் இப்படத்துக்கு ‘பாஷா’ என பெயரிடப்பட்டு உள்ளது. இந்தி வசனத்தை கோபால்ராம் எழுதியுள்ளார். இந்திக்கான பாடல்களை ஜேசுதாஸ், எஸ்.பி.பாலசுப்பிரமணியம், உதித் நாராயணன், சித்ரா, கவிதாகிருஷ்ணமூர்த்தி, குமார் ஷானு, பூர்ணிமா ஆகியோர் பாடியுள்ளனர்.

1000 தியேட்டர்களில் இப்படம் ரிலீஸ் செய்யப்படுகிறது. பத்ரகாளி பிலிம்ஸ் பத்ரகாளி பிரசாத் இப்படத்தை வெளியிடுகிறார்