ஆதிகேசவ பெருமாள் கோயில் தேரோட்டம் கோலாகலம்

சென்னை: மயிலாப்பூர் ஆதிகேசவ பெருமாள் மகோத்ஸவம் கடந்த 28ம் தேதி கொடியேற்றத்துடன் தொடங்கியது. தொடர்ந்து புன்னை மர வாகனம், சேஷ
வாகனம், சிம்ம வாகனம், ஹம்ச வாகனம் ஆகியவற்றில் பெருமாள் புறப்பாடு நடந்தது. 31ம் தேதி சூரிய பிரபை மற்றும் சந்திர பிரபை நடந்தது. 1ம் தேதி காலை 6 மணிக்கு பல்லக்கில் பெருமாள் எழுந்தருளினார். 2ம் தேதி ரத கலச பிரதிஷ்டை, சூர்ணாபிஷேகம், புண்ணி யகோடி விமானம் நடந்தது. தொடர்ந்து நேற்று காலை தேரோட்டம் நடந்தது.

முன்னதாக காலை மயூர வள்ளி சமேத ஆதிகேசவ பெருமாள் மேள தாளங்கள், மங்கள இசை முழங்க, வேத மந்திரங்கள் ஒலிக்க திருத்தேரில் எழுந்தருளினார். தொடர்ந்து சிறப்பு பூஜைகள் நடத்தப்பட்டு 9 மணிக்கு தேர் புறப்பாடு நடந்தது. ஆயிரக்கணக்கான பக்தர்கள் கலந்து கொண்டு ‘‘ கோவிந்தா... கோவிந்தா“ கோஷம் முழங்க தேரை வடம் பிடித்தனர். இன்று பல்லக்கும், நாளை கொடி இறக்கமும் நடைபெறுகிறது. 6ம் தேதி பெரிய தெருவடைச்சான் சப்பரமும், ஆழ்வார் ஆச்சார்யர்களுடன் பெரிய மாட வீதி புறப்பாடும் நடக்கிறது. இதைதொடர்ந்து விடையாற்றி நடக்கிறது.