தக்காளி கொள்ளு அடை

கொள்ளு = அரை கப்
கடலை பருப்பு = கால் கப்
புழுங்கல் அரிசி = கால் கப்
வெந்தயம் = முக்கால் தேக்கரண்டி
சில்லி பிளேக்ஸ் = ஒரு தேக்கரண்டி
வெங்காயம் = அரை தேக்கரண்டி
தக்காளி = பெரிய தக்காளி ஒன்று
பூண்டு = முன்று பல்
உப்பு = தேவைக்கு
பெருங்காயப்பொடி = கால் தேக்கரண்டி.

1. கொள்ளு + கடலை பருப்பு + வெந்தயம் சேர்த்து முன்று மணி நேரம் ஊறவைகக்வும். அரிசியை தனியாக ஊறவைக்கவும்.

2. ஊறிய அரிசியுடன் சில்லி பிளேக்ஸ், பூண்டு சேர்த்து நன்கு அரைத்து பிறகு கொள்ளு, வெந்தயம், கடலைபருப்பை முக்கால் பதம் அரைத்தால் போதும்.

3.கடைசியாக வெங்காயம், தக்காளியை பொடியாக அரிந்து சேர்த்து அரைத்து எடுக்கவும்.
4.நான் ஸ்டிக் தவ்வாவில் அடையை ஊற்றவும்.
5.சுற்றிலும் ஆலிவ் ஆயில் அல்ல‌து ந‌ல்லெண்ணை ஊற்றி திருப்பி போட‌வும்.
6. நன்கு மொருகியதும் எடுக்கவும்

7. சுவையான சூப்பரான கொள்ளு தக்காளி அடை ரெடி.
தொட்டுக்கொள்ள வெண்டைக்காய் சாம்பார், அல்லது ஏதாவது சட்னி வகைகள், புளிகுழம்பு .அருமையாக‌ இருக்கும்.

குறிப்பு

எந்த அடையிலும் சிறிது கடலை பருப்பு + அரிசி சேர்ந்தால் தான் சிறிது கிரிஸ்பியாகவும் ருசியாகவும் இருக்கிறது, உளுந்து சேர்த்தால் மெத்தென்று ஆகிவிடுகிறது. ஆகையால் உளுந்து தேவையில்லை