கர்நாடக சட்டசபை தேர்தலில் நடிகர் சிரஞ்சீவி பிரசாரம்

கர்நாடக சட்டசபை தேர்தல் வரும் மே மாதம் 5-ம் தேதி நடைபெற உள்ளது.

இந்நிலையில், பெங்களூரில் நடைபெற்ற நிகழ்ச்சியில் பங்கேற்ற மத்திய சுற்றுலா துறை மந்திரியும், நடிகருமான சிரஞ்சீவி நிருபர்களிடம் கூறியதாவது:-

மத்திய மந்திரி முனியப்பாவின் பேண்டுகோளை ஏற்று கர்நாடகா - ஆந்திரா எல்லையோரம் அமைந்துள்ள சிக்பல்லாபூர், கோலார் உள்ளிட்ட மாவட்டங்களில் போட்டியிடும் காங்கிரஸ் வேட்பாளர்களை ஆதரித்து தேர்தல் பிரசாரம் செய்வேன்.

பிரசார சுற்றுப் பயணம் தொடர்பான தேதிகள் மற்றும் இடங்களை கர்நாடக மாநில காங்கிரஸ் தலைமை முடிவு செய்தவுடன் எனது பிரசாரம் தொடங்கும்.

இவ்வாறு அவர் கூறினார்.