படித்துக்கொண்டே நடிக்கிறேன்: லட்சுமி மேனன்

சுந்தரபாண்டியன்’ படம் மூலம் தமிழில் கதாநாயகியாக அறிமுகமானவர் லட்சுமிமேனன். ‘கும்கி’ படத்திலும் நடித்தார். தற்போது சசிகுமார் ஜோடியாக ‘குட்டிப்புலி’ மற்றும் ‘இவன் வேறமாதிரி’, விமல் ஜோடியாக ‘மஞ்சப்பை’ படங்களிலும் நடிக்கிறார்.

இந்நிலையில் லட்சுமி மேனன் அளித்த பேட்டி வருமாறு:-

தமிழ் படங்களில் எனக்கு நல்ல வரவேற்பு உள்ளது. சசிகுமாருடன் நடிக்கும் படம் இம்மாதம் ரிலீசாக உள்ளது. அதைத் தொடர்ந்து விமல், விஷாலுடன் மேலும் இரண்டு படங்களில் நடிக்கிறேன். கவுதம் கார்த்திக்குடன் நடிக்கவும் ஒப்பந்தமாகியுள்ளேன். இப்படத்தை சரவணன் இயக்குகிறார். இந்த படத்தில் நடிப்பது மகிழ்ச்சியாக உள்ளது.

சமீபத்தில் பத்தாவது வகுப்பு தேர்வை எழுதி முடித்தேன். விடுமுறையில் படங்களில் நடிக்க உள்ளேன். ஆசிரியர்களும், சக மாணவர்களும் படிப்பில் எனக்கு உதவியாக இருக்கிறார்கள். படித்துக் கொண்டே நடிக்கிறேன்.

இவ்வாறு லட்சுமி மேனன் கூறினார்