கமல்ஹாசனுக்கு வாழ்நாள் சாதனையாளர் விருது

சினிமா உலகில் 50 ஆண்டுகள் அனுபவம் மற்றும் கலைச்சேவைக்காக நடிகர் கமல்ஹாசனுக்கு சென்னை ரோட்டரி சங்கம் சார்பில் வாழ்நாள் சாதனையாளர் விருது வழங்கப்பட்டது. இதற்கான விழாவில் கமல்ஹாசன் கலந்து கொண்டு விரு‌தை பெற்று‌ ரோட்டரி சங்க உறுப்பினர்களின் கேள்விகளுக்கு சூடாகவும், சுவையாகவும் பதில் அளித்தார்.

தமிழ் சினிமா, பத்து ஆண்டுகளுக்கு முன்பு இருந்ததைவிட இப்போது பெரும் வளர்ச்சி கண்டுள்ளது. இதற்கு தொழில்நுட்ப வளர்ச்சியும் முக்கிய காரணம். செல்போன்களிலேயே படம் பார்க்கும் நிலை வந்துவிட்டது. இன்னும் சில ஆண்டுகளில் தமிழ் சினிமா முழுமையாக டிஜிட்டல் மயமாகிவிடும். வருடத்துக்கு 2 அல்லது 3 படங்களில் நடிக்காதது ஏன் எனக் கேட்கிறார்கள்.

பெரிய பட்ஜெட் படத்தில் நடிப்பதால், அதற்கு உழைப்பு உட்பட அனைத்துமே அதிக நாட்கள் தேவைப்படுகிறது. படங்களின் தோல்வியிலிருந்து பல விஷயங்களை கற்கிறேன். வலி இல்லாமல் எதையும் சாதிக்க முடியாது.

இன்னும் சாதிக்க வேண்டியது நிறைய உள்ளது, என்று கமல்ஹாசன் பேசினார்.