‘7ஆம் அறிவு’ படத்தில் சூர்யாவிற்கு எத்தனை வேடங்கள்? – லேட்டஸ்ட் தகவல்!

ஏ.ஆர்.முருகதாஸின் இயக்கத்தில் உருவாகி வரும் புதிய படம் ‘7ஆம் அறிவு’. இப்படத்தில் நாயகனாக சூர்யாவும், நாயகியாக ஸ்ருதி ஹாசனும் (கமலஹாசனின் மகள்) நடிக்கிறார்கள். இப்படத்தில் சூர்யா மூன்று வேடங்களில் நடிக்கிறார் என்று முன்பு வந்த தகவலில் உண்மை இல்லை. இன்று கிடைத்துள்ள தகவலின் படி சூர்யா எத்தனை வேடங்களில் நடிக்கிறார் தெரியுமா?

இரண்டு வேடங்களில் மட்டுமே நடித்திருக்கிறார். ஒன்று புத்த துறவி வேடம். மற்றொன்று சர்க்கஸ் கலைஞர் வேடம். விஞ்ஞானியாக ஸ்ருதி ஹாசன் நடிக்கிறார். வியட்நாமிலிருந்து இப்படத்திற்காக குங்பூ தெரிந்த வில்லனை இறக்க்குமதி செய்திருக்கிறார்கள்.

‘கஜினி’ படத்தில் அமைந்த அதே கூட்டணியே இப்படத்திலும் அமைந்திருக்கிறது. அப்படத்திற்கு இசையமைத்த ஹாரிஸ் ஜெயராஜ்தான் இப்படத்திற்கும் இசையமைத்திருக்கிறார்.

இப்படத்தின் பாடல்களுக்கு கடைசி கட்ட இசைக் கோர்ப்பு வேலைகள் நிறைவடைந்து விட்டதால், கூடிய விரைவில் இப்படத்தின் ஆடியோ ரிலீஸ் இருக்கும் எனத் தெரிகிறது.