7ஆம் அறிவு முழு விபரம்

’7ஆம் அறிவு’ படத்தின் இசை வெளியீட்டு விழா 22ம் தேதி நடைபெற இருக்கிறது. இவ்விழாவை பிரம்மாண்டமாக நடத்த திட்டமிட்டு இருக்கிறார்கள். படத்தின் டிரெய்லரை முதன் முதலாக இவ்விழாவில் திரையிடப்படவுள்ளது. இவ்விழாவில் தனுஷ், கார்த்தி, விஷால், ஜெயம் ரவி மற்றும் தெலுங்கு முன்னணி நடிகர் ராம் சரண் தேஜா மற்றும் ‘ஏழாம் அறிவு’ படத்தின் வில்லனான ஜானி போன்றவர்கள் கலந்து கொள்ள இருக்கிறார்கள்.

தமிழகத்தின் லேட்டஸ்ட் பரபரப்பு ஜோடியான ‘எங்கேயும் எப்போதும்’ படத்தின் நாயகனாக ஜெய், நாயகியான அஞ்சலி இருவரும் இந்த நிகழ்ச்சியை தொகுத்து வழங்க இருக்கிறார்கள். லட்சுமிராய், அபிநயா, அஞ்சலி, ருக்மணி ஆகியோர் நடனமாட இருக்கிறார்கள். நடன இயக்குனர் ஷோபி இதற்கான ஏற்பாடுகளை செய்து இருக்கிறார்.

வெளிநாட்டு சண்டை கலைஞர்களின் நிகழ்ச்சியும் நடைபெற உள்ளது. இஷா ஷெர்வானி , பாடகர் கார்த்திக் இருவரும் இவ்விழாவின் சிறப்பு அம்சமாக படத்தின் பாடலுக்கு ஆட பாட இருக்கிறார்கள்.