” அடுத்த படம் 3D ” : வெங்கட்பிரபு

‘மங்காத்தா’ படத்தை அடுத்து வெங்கட்பிரபு இயக்கப் போகும் படத்தின் பெயர் ‘நேரடி ஒளிபரப்பு’ என்றும், இது ஒரு 3D படம் என்றும் செய்திகள் வெளியாகி வருகின்றன.

இச்செய்திகள் குறித்து இயக்குனர் வெங்கட்பிரபு ” ‘நேரடி ஒளிபரப்பு’ படத்தின் மூலமே தமிழ் திரையுலகில் இயக்குனராக அறிமுகமாக வேண்டும் என்று விரும்பினேன்.

ஆனால் தயாரிப்பாளர் சரண் ஒரு கமர்ஷியல் படம் மூலமாக தான் நீ இயக்குனராக அறிமுகமாக வேண்டும் என்று சொன்னதை ஏற்று ‘சென்னை 28′ படத்தினை இயக்கினேன்.

‘நேரடி ஒளிபரப்பு’ கதை உட்பட இரண்டு கதைகளை தயார் செய்து வைத்திருக்கிறேன். இரண்டுமே 3D-யில் எடுக்கக்கூடிய படங்கள் தான்.

‘மங்காத்தா’விற்கு பிறகு அந்த இரண்டு கதைகளில் எதை இயக்குவது என்பது குறித்து இன்னும் நான் முடிவு செய்யவில்லை ” என்று கூறியுள்ளார்.