2 சீன் – 4 நாள் ! : உதயநிதி

உதயநிதி ஸ்டாலின் நாயகனாக அறிமுகமாகும் படம் ‘ஒரு கல் ஒரு கண்ணாடி’. ராஜேஷ் இயக்க ஹாரிஸ் ஜெயராஜ் இசையமைத்து வருகிறார். உதயநிதி ஸ்டாலின் தனது ரெட் ஜெயண்ட் நிறுவனம் மூலம் தயாரித்து வருகிறார்.

படத்தின் மொத்த படப்பிடிப்பும் முடிந்து விட்டதாம், தற்போது டப்பிங் பணிகளை மேற்கொண்டு வருகிறார்கள். முதல் படம் என்பதால் டப்பிங் பேசுவதற்கு ரொம்பவும் சிரமப்பட்டு வருகிறாராம் உதயநிதி ஸ்டாலின்.

இதனை அவரே தனது டிவிட்டர் இணையத்தில் கூறி இருக்கிறார். அவர் கூறியிருப்பது ” தல அஜீத் ஒரு படத்தின் டப்பிங் பணிகளை 24 மணி நேரத்தில் முடித்து விடுவார். விஜய் ஒரு படத்தின் டப்பிங் பணிகளை அதிகபட்சம் 2 நாட்களில் முடித்து விடுவார் என்று எனது சவுண்ட் இன்ஜினியர் கூறினார்.

ஆனால் கடந்த 4 நாட்களில் நான் வெறும் 2 காட்சிகள் மட்டுமே டப்பிங் முடித்து இருக்கிறேன் ” என்று கூறியுள்ளார்.