தமிழ்புத்தாண்டுக்கு உதயநிதி படம்

உதயநிதி - ஹன்சிகா மோத்வானி நடித்து வெளிவரவிருக்கும் ஒரு கல் ஒரு கண்ணாடி படம் ஏப்ரல் 13ம் தேதிக்கு திரைக்கு வருகிறது என்று அதிகாரப்பூர்வமாக அறிவிக்கப்பட்டுள்ளது.

எவ்வளவு விரைவாக முடிக்க முடியோ அவ்வளவு வேகமாக பணியாற்றி இப்படத்தை ஏப்ரல் 6ம் தேதியே வெளியிட படக்குழு திட்டமிட்டிருந்தது. ஆனால், தனுஷ் - சுருதிஹாசன் நடித்து வெளியாகும் 3 படம் மார்ச் 30ம் தேதி திரைக்கு வருவதால், வீணாக ஏன் ரிஸ்க் எடுக்க வேண்டும் என்று நினைத்ததோ படக்குழு தெரியவில்லை, தற்போது ஏப்ரல் 13ம் தேதி தமிழ் புத்தாண்டுக்கே படத்தை வெளியிடலாம் என்று முடிவெடுத்து அறிவித்துள்ளது.

வரும் தமிழ் புத்தாண்டு அன்று எந்த பெரிய நடிகரது படமோ, பெரிய தயாரிப்பு நிறுவனத்தின் படமோ வெளியாகாததால், போட்டியே இல்லாமல் தனியாக வெளியாக உள்ளது ஒரு கல் ஒரு கண்ணாடி படம். காமெடி கலந்த இப்படம் நிச்சயம் ரசிகர்களிடம் வரவேற்பை பெற அதிக வாய்ப்புகள் உள்ளது.