ஹீரோவாகிறார் ஏ.ஆர்.முருகதாசின் தம்பி – ஃபாக்ஸ் ஸ்டார் நிறுவனமே தயாரிக்கிறது

ஃபாக்ஸ் ஸ்டார் நிறுவனத்துடன் இணைந்து ஏ.ஆர்.முருகதாஸ் படத் தயாரிப்பில் ஈடுபட்டிருக்கிறார் என்பது யாவரும் அறிந்ததே. தற்போது வெளிவரவிருக்கும் எங்கேயும் எப்போதும் இவர்களின் தயாரிப்பில் உருவானதுதான். இந்த நிறுவனம் தயாரிக்கும் அடுத்த படம் ரொம்பவே விசேஷமானது என்கிறார்கள் கோடம்பாக்கத்தில்.

ஏன் தெரியுமா? இந்த படத்தின் மூலம் ஏ.ஆர்.முருகதாசின் தம்பி ஹீரோவாகிறார். பல காலமாகவே தனது தம்பியை ஹீரோவாக்க வேண்டும் என்ற யோசனையில் இருக்கிறார் முருகதாஸ். ஆனால் அதற்கு பொருத்தமான கதையும், தயாரிப்பு நிறுவனமும் அமைவதற்காகதான இத்தனை காலம் அவர் வெயிட்டிங்!

சர்வ பொறுத்தமாக வந்து அமைந்தது ஃபாக்ஸ் ஸ்டார் நிறுவனம். இங்கு கதை கேட்கும் இலாகாவில் முக்கியமான இடத்தில் இருந்தவர் முருகதாசின் தம்பி. அப்படி கேட்கும் போதும்தான் முருகதாசிடம் உதவி இயக்குனராக இருந்த கிங்ஸ்லீ என்பவரின் கதையை கேட்க நேர்ந்தது.

தம்பியின் லட்சியத்திற்கு முற்றிலும் பொருந்துகிற கதை இதுதான் என்பதால் அண்ணனும் சம்மதித்திருக்கிறாராம். இந்த நிறுவனத்தின் அடுத்த இயக்குனர் கிங்ஸ்லீ என்று முடிவாகியிருக்கிறது.

’எங்கேயும் எப்போதும்’ பின்னி பிணைந்திருப்பது பாசம் மட்டுமே!