பாக்ஸ் ஆபிஸை விட ரசிகர்களுக்குத் தான் பயப்படுவேன் என்கிறார் செல்வராகவன்

தனுஷ், ரிச்சா நடித்து இருக்கும் படம் ‘மயக்கம் என்ன’. செல்வராகவன் இயக்க, ஜி.வி.பிரகாஷ் இசையமைத்து இருக்கிறார். இப்படத்தின் இறுதிகட்ட பணிகள் முடிந்து, இம்மாத இறுதியில் அல்லது அடுத்த மாதம் முதல் வாரத்தில் வெளியிடலாம் என்று தகவல்கள் வெளியாகின. இயக்குனர் செல்வராகவனும் பத்திரிகையாளர் சந்திப்பில் இப்படம் எப்போது வெளியிடப்படும் என்பது இன்னும் இரண்டு நாட்களில் முடிவு செய்யப்படும் என்று அறிவித்து இருந்தார்.

இந்நிலையில் செல்வராகவன் தனது டிவிட்டர் இணையத்தில் ” ‘மயக்கம் என்ன’ படம் தீபாவளி அன்று திரைக்கு வர இருக்கிறது. நான் பாக்ஸ் ஆபிஸை நம்பி படத்தை வெளியிட வில்லை. ரசிகர்களை நம்பி வெளியிடுகிறேன். நான் பாக்ஸ் ஆபிஸை விட ரசிகர்களுக்கு தான் பயப்படுவேன். ” என்று தெரிவித்துள்ளார்.