இந்தியில் கூடுதல் கிளாமருக்கும் ரெடி என்கிறார் சமந்தா…!

“பாணா காத்தாடி சமந்தா, தற்போது, “நான் ஈ, கடல், நீதானே என் பொன் வசந்தம் என்று பிசியாக நடித்து வருகிறார். கைவசம் எல்லாம் மெகா படங்கள் என்பதால், அடுத்து இவர் கோலிவுட்டின் நம்பர் ஒன் நடிகையாகிவிடுவார் என்பது கருத்துக்கணிப்பாக இருக்கிறது. ஆனால், சமந்தாவோ, “எனக்கு நம்பர் ஒன், நம்பர் டூ மீதெல்லாம் நம்பிக்கை இல்லை. வெற்றிப்பட நாயகியாக இருக்க வேண்டும் என்று மட்டும் ஆசைப்படுகிறேன் என்கிறார்.

“அதோடு, தென்னிந்திய சினிமாவிலேயே தேங்கிவிட வேண்டும் என்றும் நினைக்கவில்லை. இந்தி சினிமா வரை பரவலாக நடித்து, இந்திய அளவிலான நடிகையாக வேண்டும் என்பதே என் நோக்கம். அதனால் கூடிய சீக்கிரமே இந்தி சினிமாவில் கால்பதிக்க வேண்டும் என்பதற்கான முயற்சிகளிலும் ஈடுபட்டுள்ளேன் என்று கூறும் சமந்தா, “தேவைப்பட்டால் இந்தியில் கூடுதல் கிளாமரை வெளிப்படுத்தி நடிக்கவும் தயங்க மாட்டேன் என்கிறார்.