பிரகாஷ்ராஜ் படத்தில் பிரபுதேவா !

தமிழ்த்திரை ரசிகர்களிடையே வரவேற்பை பெற்ற படம் ‘அபியும் நானும்’. ராதா மோகன் இயக்க பிரகாஷ்ராஜ் தயாரித்து இருந்தார். இப்படத்தின் தெலுங்கு பதிப்பை பிரகாஷ்ராஜ் ‘நானு நானா கனசு’ என்கிற பெயரில் இயக்கி நடித்தார். தற்போது பிரகாஷ்ராஜ் தமிழ், தெலுங்கு ஆகிய இரு மொழிகளிலும் ‘தோனி’ என்ற பெயரில் ஒரு படத்தினை இயக்கி வருகிறார். இப்படத்திற்கு இளையராஜா இசையமைத்து வருகிறார்.

பிரபுதேவா, பிரகாஷ்ராஜ் இருவருமே நெருங்கிய நண்பர்கள். நட்பின் அடிப்படையில் இப்படத்தின் ஒரு பாடலுக்கு பிரபுதேவா நடனமாட உள்ளாராம். பிரகாஷ்ராஜ் தயாரிக்கும் படங்களுக்கு ரசிகர்களிடையே வரவேற்பு உள்ளதால், இப்படத்திற்கு எதிர்பார்ப்பு கூடியுள்ளது.