சகுனி படத்தில் பிரகாஷ்ராஜ்

கார்த்தி நடித்து வெளிவர உள்ள சகுனி படத்தில், பிரகாஷ் ராஜ் நடிக்க உள்ளார். ஏற்கனவே சலி கௌசி நடித்த கதாபாத்திரத்தை பிரகாஷ் ராஜை வைத்து மறு படப்பிடிப்பு நடத்த உள்ளனர் படக் குழுவினர்.

கார்த்தி-பிரனிதா ஜோடியாக நடிக்கும் இப்படத்தில் ராதிகா வில்லியாக நடிக்கிறார். மேலும், இப்படத்தில் சந்தானம், நாசர் ஆகியோரும் முக்கிய கதாபாத்திரங்களில் நடிக்கின்றனர். மிகப்பெரிய நடிகர்கள் இப்படத்தில் இணைந்து நடிக்கின்றனர் என்பது இப்படத்தின் பலமாகியுள்ளது.

தமிழ் மற்றும் தெலுங்கில் ஒரே சமயத்தில் இப்படம் திரையிடப்பட உள்ளது. திடீரென சலி கௌசி கதாபாத்திரத்தில் பிரகாஷ் ராஜ் நடித்தால் நன்றாக இருக்கும் என்று நினைத்த இயக்குநர் ஷங்கர் தயால், கார்த்தி, பிரகாஷ் ராஜ் வரும் சீன்களை ஹைதராபாத்தில் 5 நாட்களில் ஷுட்டிங் நடத்தி முடிக்க திட்டமிட்டுள்ளார்.