பார்த்திபனின் வித்தகன் ஆடியோவை வெளியிட்ட கிரண் பேடி…!

வித்தகன் படத்தின் ஆடியோவை, நாட்டின் முதல் பெண் ஐ.பி.எஸ்.அதிகாரியான கிரண் பேடியை வைத்து வெளியிட்டுள்ளார் நடிகர் பார்த்திபன். பார்த்திபனின் இயக்கம் மற்றும் நடிப்பில் உருவாகியிருக்கும் படம் வித்தகன். படத்தில் கம்பீரமான போலீஸ் அதிகாரியாக நடித்திருக்கும் பார்த்திபனுக்கு ஜோடியாக நடிகை பூர்ணா நடித்துள்ளார். நீண்ட நாட்களாக நடந்து வந்த இப்படத்தின் சூட்டிங் எல்லாம் முடிந்து ரிலீஸ்க்கு தயாராகி வரும் வேளையில், படத்தின் ஆடியோவை ரொம்பவே சிம்பிளாக நடத்தியுள்ளார் நடிகர் பார்த்திபன்.

நாட்டின் முதல் பெண் ஐ.பி.எஸ். அதிகாரியான கிரண்பேடியை முன்வைத்து தனது வித்தகன் படத்தின் ஆடியோவையும், டிரைலரையும் ரிலீஸ் செய்துள்ளார் பார்த்திபன். கிரண் பேடி ஆடியோ மற்றும் டிரைலரை வெளியிட அதனை டைரக்டர் ஏ.ஆர்.முருகதாஸ் பெற்றுக்கொண்டார். ஆடியோவை வெளியிட்டு பேசிய கிரண்பேடி, பொதுவாக சினிமா விழாக்களில் நான் பங்குபெறுவதில்லை.

20வருடங்களுக்கு முன்பு நடிகை விஜயசாந்தி நடித்த கர்த்தவ்யம் படத்தின் துவக்க விழாவில் கலந்து கொண்டேன். அதன்பிறகு இப்போது தான் சினிமா விழாவில் பங்கேற்கிறேன். படத்தில் பார்த்திபன் கம்பீரமான போலீஸ் அதிகாரியாக நடித்திருப்பதால், இந்தபடத்தின் ஆடியோ விழாவில் பங்கேற்றேன் என்றார்.