பார்த்திபனின் வித்தகன் இன்று ரிலீஸ்!

பார்த்திபன் நீண்ட இடைவெளிக்குப் பிறகு நடித்து இயக்கியுள்ள வித்தகன் படம் இன்று வெளியாகிறது. பார்த்திபன் – பூர்ணா நடித்துள்ள இந்தப் படத்தை செவன்த் சேனல் மாணிக்கம் நாராயணன் தயாரித்துள்ளார். போலீஸ் அதிகாரியின் கதை இது.

பார்த்திபன் ஏற்கெனவே உள்ளே வெளியே, வாய்மையே வெல்லும் போன்ற படங்களில் போலீஸ் வேடத்தில் நடித்துள்ளார். கடமை தவறாத, கண்டிப்பான துணை கமிஷனராக அவர் நடித்துள்ளார். இது தவிர, மேலும் இரண்டு கெட்டப்புகளிலும் அவர் நடித்துள்ளார்.

பார்த்திபன் மகன் ராதாகிருஷ்ணன் இந்தப் படத்தில் நடித்துள்ளார். மிலிந்த் சோமன் வில்லனாக வருகிறார். ஜோஷ்வா ஸ்ரீதர் இசையமைத்துள்ளார். எம்எஸ் பிரபு ஒளிப்பதிவு செய்துள்ளார்.

கடைசியாக பார்த்திபன் இயக்கி நடித்த படம் பச்சக்குதிரை. 2006-ல் வெளியானது. அதன் பிறகு இப்போதுதான் அவர் படம் இயக்குகிறார்.