அம்மா வேடத்தில் மோனிகா பேடி

மும்பையில் பிரபல தாதா, அபு சலீமுடன் சேர்ந்து, போலி பாஸ்போர்ட் வழக்கில் கைது செய்யப்பட்ட, மோனிகா பேடியை ஞாபகமிருக்கிறதா? இவர், பாலிவுட் மற்றும் டோலிவுட்டில், முன்னணி நடிகையாக, வலம் வந்தவர். அபு சலீமின் சகவாசத்தால், சிறையில் தண்டனை அனுபவித்து, பின், வெளியில் வந்தார். அதற்கு பின், படங்களில் நடிக்காமல், ஒதுங்கியிருந்த மோனிகா, பின், “டிவி சீரியல்களில் நடித்ததோடு, நிகழ்ச்சி தொகுப்பாளினியாகவும் பணியாற்றினார்.நீண்ட இடைவெளிக்கு பின், தற்போதுமீண்டும் வெள்ளித் திரைக்கு வந்துள்ளார். ஆனால், கதாநாயகியாக அல்ல; கதாநாயகிக்கு அம்மாவாக நடிக்கிறார். “ஒரு நடிகையை பொறுத்தவரை, சிறப்பான நடிப்பை வெளிப்படுத்தும், எந்த வேடமும், முக்கியமானது தான். எனக்கு திருப்தி அளிக்கும் வேடங்களில் மட்டுமே, நடிக்கிறேன். படங்களில் நடிக்கும்போது, என்னை, குறிப்பிட்ட ரசிகர்களுக்கு தான், தெரியும். “டிவி யில் நடிப்பதால், வீட்டுக்கு வீடு, பரிச்சயமாகி விட்டேன் என்கிறார் மோனிகா பேடி.