இயக்குனராகும் சிம்ரனின் புதுமுகம்

திரைப்படங்களில் கதாநாயகியாக கொடிகட்டி பறந்த சிம்ரன் இப்பொழுது இயக்குனராக களமிறங்க முடிவெடுத்துள்ளார். தமிழ் திரையுலகில் அதிக வெற்றிப்படங்களை தந்து ரசிகர்களின் மனதில் முக்கிய இடம் பிடித்தவர் சிம்ரன். முன்னணி கதாநாயகர்களான கமல், அஜித், விஜய் ஆகியோர்களுடன் போட்டி போட்டு நடித்தவர் சிம்ரன். தனது திருமணத்திற்கு பின்பு படவாய்ப்புகள் குறைந்து விட்டதால் டெல்லியில் தங்கியிருந்தார்.

பின்னதாக ஏற்பட்ட சில மாற்றங்களால் டி.வி சீரியல்களில் நடித்தார். அதைத் தொடர்ந்து ஜாக்பாட் நிகழ்ச்சியை தொகுத்து வழங்கி வருகிறார். தற்போது சினிமா மற்றும் தொலைகாட்சித் தொடர்கள் தயாரிப்பு நிறுவனம் ஒன்றை நடத்தி வருகிறார். அதில் தன் கணவரை வைத்து படத்தை தயாரிப்பதோடு மட்டுமில்லாமல், அதை இயக்கவும் போகிற செய்தி கொலிவுட்டின் சூடான செய்தியாகும்.