தனுஷ் ஜோடியாகும் புதுமுகம் நஜீம்

சற்குணம் இயக்கத்தில் தனுஷ் நடிக்கவிருக்கும் படம் ‘நையாண்டி’. இப்படத்தின் படப்பிடிப்பு விரைவில் துவங்க இருக்கிறது. இந்நிலையில், இப்படத்தில் தனுஷுக்கு ஜோடியாக நடிக்க மலையாள நடிகை நஸ்ரியா நஜீம் ஒப்பந்தமாகியுள்ளார்.

இவர் திரையுலகிற்கு குழந்தை நட்சத்திரமாக அறிமுகமானவர். தமிழில் பாசில் இயக்கத்தில் ஸ்ரீகாந்த், சோனியா அகர்வால் நடித்த ‘ஒருநாள் ஒரு கனவு’ படத்தில் ஸ்ரீகாந்தின் தங்கைகளில் ஒருவராக நடித்தார். அதன்பிறகு மலையாளத்தில் ஓரிரு படங்களில் கதாநாயகியாக நடித்தார். தற்போது தமிழில் கதாநாயகியாக ‘நையாண்டி’ படத்தில் அறிமுகமாகிறார்.

இயக்குனர் சற்குணம் தனது முதல் படமான ‘களவாணி’யில் ஓவியாவையும், 2-வது படமான ‘வாகை சூடாவா-வில் இனியாவையும் அறிமுகப்படுத்தினார். இருவரும் தமிழ் சினிமாவில் முன்னணி நாயகிகளாக வலம்வந்து கொண்டிருக்கின்றனர். அந்த வரிசையில் நஸ்ரியா நஜீமும் ஒரு ரவுண்டு வருவார் என எதிர்பார்க்கப்படுகிறது.