படமாகும் மெரீனா – கிளம்பப் போகும் பூகம்பம்

மெரீனா படத்தை முடித்துவிட்டு போஸ்ட் புரடக்ஷன் வேலைகளில் ஈடுபட்டுக் கொண்டிருக்கிறார் பாண்டிராஜ். இப்படத்தின் தலைப்பை பார்த்தாலே தெரியும், பீச்சும், பீச்சோரத்தில் நடக்கும் பித்தலாட்டங்களும்தான் கதையாக இருக்கும் என்று.

இப்படத்தில் பாண்டிராஜ் விசேஷமாக கருதுவது எதுவாகவும் இருக்கட்டும். திரையுலகத்தில் மற்றவர்களின் பார்வையே வேறு. மிக சிறிய ஸ்டில் கேமிரா ஒன்றை வைத்துதான் இந்த படத்தை எடுத்திருக்கிறாராம் அவர். இதே மாதிரி செட்டப்போடுதான் வழக்கு எண் 19 என்ற படத்தையும் எடுத்து வருகிறார் பாலாஜி சக்திவேல்.

பெரிய கேமிரா முன் நின்றால்தான் நாம் நடித்துக் கொண்டிருக்கிறோம் என்ற உணர்வே வரும் நடிகர்களுக்கு. தம்மாத்துண்டு கேமிராவை வைத்துக் கொண்டு படம் பிடித்தால் என்னாகும்? பல நடிகர்கள் முதலில் இந்த கேமிராவுக்கு முன் நின்று நடிக்க பழகவே நாட்களை எடுத்துக் கொண்டார்களாம். நல்லவேளையாக இருவரும் இவ்வித இடைஞ்சல்களை தாண்டி படத்தையும் முடித்துவிட்டார்கள்.

சரி மெரீனா மேட்டருக்கு வருவோம். இப்படி கண்ணுக்கே புலப்படாத கேமிராவை கொண்டு படமாக்கியதால் வீட்டுக்கு தெரியாமலும், சில நேரங்களில் புருஷனுக்கு தெரியாமலும் பீச்சுக்கு வந்து போன பல இளம் பெண்கள் ஸ்கிரினில் வருவார்கள் போலிருக்கிறது. அவர்களுக்கே கூட படத்தை பார்க்கும் போதுதான் அதில் நாமும் இருக்கிறோம் என்ற மேட்டரே தெரியவரும்.

படம் வெளிவந்த பின்பு எத்தனை குடும்பத்தில் பூகம்பம் வெடிக்குமோ?

Tamilwire Exclusive: மெரீனா படத்தின் புகைப்படத்தொகுப்பு