படப்பிடிப்புக்கு சென்றபோது நடிகை பிரியாமணி விபத்தில் சிக்கினார்

`பருத்தி
வீரன்’ படம் மூலம் தமிழ் திரையுலகில் பிரபலமானவர் பிரியாமணி. அப்படத்தில்
நடித்ததற்காக சிறந்த நடிகைக்கான தேசிய விருதையும் பெற்றார். தற்போது
தமிழில் அவருக்கு படங்கள் இல்லை. கன்னடத்தில் 3 படங்களிலும் தெலுங்கு,
மலையாளத்தில் தலா ஒரு படத்திலும் நடித்து வருகிறார்.



கன்னட படத்தின் படப்பிடிப்புக்காக சென்றபோது பிரியாமணி விபத்தில்
சிக்கினார். பெங்களூரில் இருந்து 90 கிலோ மீட்டர் தொலைவில் உள்ள முத்தாதி
காட்டுப்பகுதியில் படப்பிடிப்பு நடந்தது. அங்கு பிரியாமணியும் மேக்கப்
போடும் பெண் உள்ளிட்ட சிலரும் காரில் சென்று கொண்டு இருந்த னர்.
படப்பிடிப்பு நடந்த இடத்தை நெருங்கிய போது கார் திடீரென நிலை தடுமாறி
அருகில் இருந்த தடுப்புச்சுவரில் மோதி நொறுங்கியது.

அக்கம்பக்கத்தினர் ஓடிச்சென்று காருக்குள் இருந்த பிரியாமணியையும்
மற்றவர்களையும் மீட்டனர். இந்த விபத்தில் பிரியாமணி காயம் இன்றி
அதிர்ஷ்டவசமாக தப்பினார். விபத்து பற்றி தகவல் அறிந்ததும் படப்பிடிப்பு
குழுவினர் அதிர்ச்சி அடைந்தனர். தாமதமாக படப்பிடிப்புக்கு பிரியாமணி வந்து
சேர்ந்தார். இதனால் படப்பிடிப்பு சில மணி நேரம் நிறுத்தப்பட்டது.