ரசிகர்களிடம் சிக்கினார் லட்சுமி ராய்

நடிகை லட்சுமி ராயை ரசிகர்கள் சூழ்ந்துகொண்டதால் திடீர் பரபரப்பு ஏற்பட்டது. பி.டி.செல்வகுமார் இயக்கும் படம், ‘ஒன்பதுல குரு‘. வினய், பிரேம்ஜி, அரவிந்த் ஆகாஷ், சத்யன் உட்பட பலர் நடிக்கின்றனர். இதன் படப்பிடிப்பு பாண்டிச்சேரியில் நடந்துவருகிறது. அங்குள்ள போட் ஹவுஸ் பகுதியில் நேற்று பாடல் காட்சி படமாக்கப்பட்டு கொண்டிருந்தது. வினய், லட்சுமி ராய் நடித்துக் கொண்டிருந்தனர்.

மதியத்துக்கு மேல் லட்சுமிராயை பார்க்க ஏராளமான ரசிகர்கள் கூடினர். சில ரசிகர்கள் லட்சுமி ராயைத் தொட்டுப் பார்க்க ஆசைப்பட்டு முண்டியடித்ததால் கூட்டத்துக்குள் சிக்கிக்கொண்டார். இதனால் பரபரப்பு ஏற்பட்டது. என்ன செய்வதென்று தெரியாமல் தவித்த அவரை படப்பிடிப்புக் குழுவினர் பத்திரமாக மீட்டனர். பிறகு காரில் ஏற்றி அனுப்பி வைத்தனர். இதையடுத்து சூட்டிங் நிறுத்தப்பட்டது.