சிக்கினார் வர்மா

ஸ்கி‌ரிப்ட் வேணும் என்று எழுத்தாளர்களை கசக்கிப் பிழிந்துவிட்டு காசும் தராமல், கிரெடிட்டும் கொடுக்காமல் டீலில் விடுவது இந்தியாவின் எந்த மொழி சினிமாவிலும் சகஜம். இந்தியில் இது தின நிகழ்வு.

இந்த மாதம் ராம்கோபால் வர்மாவின் டிபார்ட்மெண்ட் படம் வெளியாகிறது. இந்தப் படத்தின் கதையும் ஸ்கி‌ரிப்டும் என்னுடையது என்று தனிஷ் ரஸா என்ற எழுத்தாளர் புகார் தந்திருக்கிறார்.

இது வழக்கமான வழவழ கேஸ் போல் இல்லை. வர்மாவுக்கு ரஸா எழுதிய கடிதங்கள், மெயில்கள், வர்மாவின் கம்பெனி நிறுவனம் அனுப்பிய ஒப்பந்த நகல் என அனைத்தையும் வைத்திருக்கிறார் ரஸா. இதனால் இந்தமுறை வர்மா மாட்டுவார் என்கிறது பாலிவுட்.

ஆனால் இந்தக் குற்றச்சாற்றை மறுத்திருக்கும் வர்மா, இதெல்லாம் ஒரு விஷயமே இல்லை என்பது போல் பதிலளித்திருக்கிறார். ஆனாலும் இந்தமுறை இதிலிருந்து வர்மா மீ‌ள்வது அவ்வளவு எளிதல்ல என்றுதான் ரஸாவின் ஆதாரங்கள் சொல்கின்றன.