பரிகாரம் செய்ய தவிக்கும் தமன்னா!

நடிகை தமன்னா அண்மையில் திருமலை திருப்பதிக்கு அரைகுறை ஆடையில் சென்று பெரும் சர்ச்சைக்குள்ளானார். லட்சக்கணக்கில் பக்தர்கள் திரளும் திருப்பதி கோவிலுக்கு நடிகை தமன்னா சற்று ஆபாசமான ஆடை அணிந்து வந்ததற்கு ஆந்திராவில் கடும் கண்டனம் எழுந்தது. பெருமாள் பக்தர்களும், வைணவப் பெரியவர்களும் தமன்னாவுக்கு எதிராக போர்க்கொடி உயர்த்தினர். இதனால் மிகுந்த வருத்தத்தில் இருக்கிறாராம் தமன்னா.

தன் தவற்றை உணர்ந்த தமன்னா தற்போது பரிகார பூஜை செய்வதில் ஆர்வம் காட்டி வருகிறாராம். இதற்காக தலைசிறந்த ஜோதிடர் யார் என்ற வேட்டையில் இறங்கியுள்ளாராம். தமன்னா தற்போது தமிழகத்தில் இருந்து கரை கடந்து ஆந்திராவில் தான் மையம் கொண்டு இருக்கிறார். இதனால் அவருக்கு பரிகார பூஜை குறித்த அட்வைஸ் அளிக்கும் வாய்ப்பு தமிழக ஜோதிடர்களுக்கு கிடைக்க வாய்ப்பில்லை என்பது தான் வருத்தத்துக்குரிய தகவல்.