தன்ஷிகாவின் சுய விளம்பரம்..!

சுய விளம்பரம் தேடிக் கொள்வதில் நம்மூர் நடிகைகளுக்கு நிகர் அவர்கள்தான் என்றால் அதில் ஆச்சர்யப்படுவதற்கு ஒன்றுமில்லை.
அரசியல்வாதிகளே சுய விளம்பரம் விஷயத்தில் நடிகைகளிடம் கற்றுக் கொள்ள நிறைய
இருக்கிறது.. எனும் அளவிற்கு நடிகை தன்ஷிகா செய்யும் பப்ளிசிட்டி
கலாட்டக்கள் கொஞ்சம் நஞ்சம் இல்லையாம்!
“பேராண்மை” தொடங்கி வெளிவர இருக்கும் “அரவான்” வரை பெயர் சொல்லும்
படங்களில் நடித்து வரும் தன்ஷிகா, அதற்குள்ளாகவே தன் பெயரில் ஒரு ரசிகர்
மன்றத்தை ஆரம்பித்து தான் காசு வாங்கிக் கொண்டு கலந்து கொள்ளும்
கடைதிறப்பு, கண்காட்சி திறப்பு… இத்யாதி, இத்யாதி விழாக்களில் “தன் ரசிகர்
மன்றம் சார்பில் விழாவிற்கு வரும் அனைவதரயும் நடிகை தன்ஷிகா வரவேற்கிறார்…
வெல்கம் டூ ஆல்…” அப்படி இப்படி என தன் அழகான புகைப்படத்துடன் கூடிய
ஐந்தாறு வினைல் பேனர்கள், கட் அவுட்டுகள், போஸ்டர்களை விழா நடக்கும் அந்த
ஏரியா முழுக்க தொங்கவிட்டு ஏரியாவாசிகளை தொங்கலில் விடுவதை வழக்கமாக்கி
கொண்டுள்ளாராம்.
மேலும் தன்ஷிகா சம்பந்தப்பட்ட விழாவிற்கு வந்து சென்ற அடுத்த நிமிடம் அந்த
பேனர்கள், போஸ்டர்களை அப்படியே அவிழ்த்து மடித்து எடுத்துச் செல்லும் அவரது
ரசிகர் மன்றத்தினர்?! அடுத்தடுத்த விழாக்களிலும் அதையே தன்ஷிகா வருவதற்கு
முன்பாக தொங்கவிடுவதும் வாடிக்கையான வேடிக்கையாகியுள்ளது.
இப்பொழுது சொல்லுங்கள் பப்ளிசிட்டியில் நம்மூர் நடிகைகள் நம்பர் ஒன் நடிகைகள் தானே?!