சூரியநிதியின் விளம்பரம்

பெயரைப் பார்த்தால் கழகத்திலிருந்து இன்னொரு ரிலீஸ் போல தோன்றினாலும் இது கழகத்துடன் தொடர்புடையது அல்ல, காதல் மன்னனுடன் தொடர்புடையது.

விளம்பரம் என்பது படத்தின் பெயர். மலேசியாவில் உள்ள கோலாலம்பூர், புத்திர ஜெயா ஆகிய இடங்களில் மொத்தப் படப்பிடிப்பையும் நடத்தியிருக்கிறார்கள். ஜெம் புரொடக்சன் இந்தப் படத்தை தயாரித்துள்ளது.

படத்தின் ஹீரோ அபிநய். இவரும் கலைவாரிசுதான். காதல் மன்னன் ஜெமினி கணேசன், சாவித்ரி தம்பதியின் மகள் வயிற்று பேரன்தான் இந்த அபிநய். ஏற்கனவே இவர் தாசரிநாராயணராவின் தெலுங்கு படத்தில் நடித்திருக்கிறார். தமிழில் விளம்பரம் முதல் படம்.

சூரியநிதி என்பவர் கதை, திரைக்கதை, வசனம் எழுதி படத்தை இயக்கியிருக்கிறார்.

விரைவில் படம் திரைக்கு வருகிறது.
சூரியநிதி, விளம்பரம்