வித்யாபாலன் கதாபாத்திரத்தில் சினேகா?

திருமணத்திற்கு தயாராகி வரும் சினேகாவிற்கு சினிமா வாய்ப்புகள் தொடர்ந்து
தேடி வந்த வண்ணம் இருக்கின்றன. நடிகை சினேகா – நடிகர் பிரசன்னாவை திருமணம்
செய்ய இருக்கிறார். திருமணத்திற்குப் பிறகு சினிமாவில் சினேகா நடிப்பதும்,
நடிக்காமல் இருப்பதும் அவருடைய விருப்பம் என சொல்லி விட்டார் பிரசன்னா.
எனவே சினேகா அவரை தேடி வரும் வாய்ப்புகளை தவறாமல் ஏற்றுக் கொண்டு
வருகிறார்.
இந்நிலையில் சுஜோய் கோஷ் இயக்கத்தில் வித்யாபாலன் நடித்துள்ள கஹானி
திரைப்படம் தமிழில் ரீமேக் செய்யப்பட இருப்பதாகவும், அதில் வித்யாபாலன்
செய்த ரோலை சினேகா ஏற்று நடிக்க இருப்பதாக கூறப்படுகிறது.
இது குறித்து சினேகா கூறுகையில் : வெளிநாட்டில் இருந்து வரும் ஒரு
கர்ப்பிணி பெண் காணாமல் போன தன் கணவரை தேடும் ஒரு பாசப் போராட்ட கதை தான்
கஹானி. அந்தப் படத்தை நானும், பிரசன்னாவும் சமீபத்தில் திரையரங்கில்
பார்த்தோம். அப்போது நான் பிரசன்னாவிடம் சொன்னேன் : ” இது மாதிரி ஒரு
நல்ல கதை தமிழில் ரீமேக் செய்யப்பட வேண்டும்” என்று. அப்படி ரீமேக்
செய்யப்பட்டால், வித்யாபாலன் நடித்த ரோலில் நடிக்க நான் ரெடியாக
இருக்கிறேன் என்றார் சினேகா!! எல்லாம் கல்யாண ராசியோ சினேகா?!