எம்.எஸ்.சுப்புலட்சுமியாக நடிப்பது அதிர்ஷ்டம் -வித்யாபாலன்

கர்நாடக இசைப்பாடகி எம்.எஸ்.சுப்புலட்சுமி வாழ்க்கை சினிமா படமாகிறது. ராஜீவ்மேனன் இயக்குகிறார். எம்.எஸ்.சுப்புலட்சுமியின் திரையுலக வாழ்க்கை சாதனைகள் போன்றவை படத்தில் இடம்பெறுகிறது. இதில் சுப்புலட்சுமி வேடத்தில் நடிக்க கதாநாயகி தேர்வு நடந்தது.

ஐஸ்வர்யாராயிடம் கேட்டனர். அவர் மறுத்து விட்டார். இதையடுத்து வித்யாபாலன் ஒப்பந்தமாகியுள்ளார். இவர் டர்டிபிக்சர் படத்தில் சில்க் ஸ்மிதா வேடத்தில் கவர்ச்சியாக நடித்து பரபரப்பு ஏற்படுத்தியவர். அந்த படத்தில் ஆபாசமாக நடித்ததால் எம்.எஸ்.சுப்புலட்சுமி வேடத்தில் வித்யாபாலன் நடிக்க கூடாது என எதிர்ப்புகள் கிளம்பின.

ஆனால் எதிர்ப்பை மீறி வித்யாபாலன் நடிக்கிறார். படப்பிடிப்பு விரைவில் துவங்க உள்ளது. இது குறித்து வித்யாபாலன் கூறும்போது எம்.எஸ்.சுப்புலட்சுமி கர்நாடக இசை உலகில் சகாப்தமாக வாழ்ந்தவர். தினமும் காலையில் அவரது சுப்ரபாதத்தை கேட்டுக் கொண்டு தான் நாடே கண் விழிக்கிறது. எம்.எஸ்.சுப்புலட்சுமி வேடத்தில் நடிப்பது எனக்கு கிடைத்த அதிர்ஷ்டம், கவுரவமாக கருதுகிறேன் என்றார்.