விக்ரம் ஜோடியாக தீபிகா படுகோனே…?

பாலிவுட்டின் முன்னணி நடிகைளில் ஒருவரான தீபிகா படுகோனேவுக்கு, சமீபத்தில் தமிழ் படத்தில் நடிக்க வாய்ப்பு கிடைத்தது. அதுவும் முதல்படமே ரஜினிகாந்திற்கு ஜோடியாக கோச்சடையான் படத்தில் நடித்து வருகிறார். இந்நிலையில் அடுத்து விக்ரமிற்கு ஜோடியாக ஒரு படத்தில் நடிக்க போவதாக தகவல் வெளியாகி இருக்கிறது. தமிழ் சினிமாவின் பிரம்மாண்ட டைரக்டரான ஷங்கர், நண்பன் படத்தை தொடர்ந்து விரைவில் புதிய படம் ஒன்றை தொடங்க இருக்கிறார். இப்படத்தில் தான் விக்ரமுக்கு ஜோடியாக தீபிகா நடிக்க இருக்கிறாராம். ஐஸ்வர்யா ராய்க்கு ஜீன்ஸ், எந்திரன் போன்ற மாபெரும் வெற்றி படங்களை ஷங்கர் கொடுத்திருப்பதால், இந்த படத்தில் நிச்சயமாக தீபிகா நடிப்பார் என்று கூறப்படுகிறது. இதுகுறித்து தீபிகாவின் உதவியாளர் கூறுகையில், பேச்சுவார்த்தை நடந்து வருகிறது. ஆனால் இன்னும் இறுதி செய்யப்படவில்லை என்றார்.