ரூ.100 கோடி கேட்கும் அனில் கபூர்…?

அமெரிக்கன் சீரியல் தொடரான 24-ஐ விலைக்கு வாங்கியிருக்கும் பாலிவுட் நடிகர் அனில் கபூர், அதை அப்படியே ரீ-மேக் செய்து இந்தியாவில் ரிலீஸ் செய்ய இருக்கிறார். மேலும் இந்த தொடரில் அனில் கபூரும் ஒரு கதாபாத்திரத்தில் நடித்திருக்கிறார். இந்தியாவில் இந்த சீரியலை வாங்க பிரபல டி.வி. நிறுவனங்கள் போட்டி போட்டு வருகின்றன. இதுகுறித்து அனில் கபூர் கூறுகையில், டி.விக்கான உரிமம் தொடர்பான பேச்சுவார்த்தை நடந்து வருகிறது. இன்னும் எந்த டி.வி நிறுவனத்திற்கு அளிப்பது என்பது உறுதியாகவில்லை என்றார்.

இதனிடையே பிரபல நிறுவனம் ஒன்று இந்த தொடருக்கு ரூ.85 கோடி வரை தருவதாக வந்த ஆபரை அனில் கபூர் நிராகரித்து விட்டதாக கூறப்படுகிறது. இதற்கு காரணம் அனில், இன்னும் பல கோடிகள் எதிர்பார்க்கிறாராம். அதாவது கிட்டத்தட்ட ரூ.100 கோடிக்கு மேல் இந்த தொடரை விற்க நினைக்கிறாராம். இதுகுறித்து சம்பந்தப்பட்ட அந்த சேனல் நிறுவனத்திடம் பேசி வருகிறாராம் அனில் கபூர்.