கலகலப்பு ஹாட் சேல்

சுந்தர் சி. மீண்டும் இயக்குனராகியிருக்கும் கலகலப்பு வரும் 11ஆம் தேதி வெளியாகிறது. ஒரு கல் ஒரு கண்ணாடி படத்தின் வெற்றி இந்தப் படத்திற்கு பெருமளவில் உதவியிருக்கிறது.

காமெடி படத்திற்கு அதிக வரவேற்பு இருப்பதை ஓகே ஓகே உறுதி செய்திருக்கிறது. அதிலும் சந்தானம் இருந்தால் போட்ட பணத்தை எடுத்திடலாம் என்ற நம்பிக்கை அனைவருக்கும் இருக்கிறது. கலகலப்பு காமெடியை பிரதானமாக வைத்து சுந்தர் சி. எடுத்திருக்கும் படம். இவரது வின்னர்தான் இன்று வரை வடிவேலுவின் மாஸ்டர் பீஸ். கலகலப்பு‌வில் சந்தானம் பிரதான ரோலில் வருகிறார். இது போதாதா?

படம் 11ஆம் தேதிதான் வெளியாகிறது. அதற்குள் மினிமம் கியாரண்டி அடிப்படையில் அனைத்து ஏ‌ரியாக்களையும் விற்றிருக்கிறார்கள். படம் வெளியாகும் முன்பே தயா‌ரிப்பாளருக்கு கை நிறைய லாபம்.

சந்தானத்துடன் விமல், சிவா, ஓவியா, அஞ்சலி ஆகியோரும் இதில் நடித்துள்ளனர்.