‘வெள்ளச்சி’ படத்திற்கு இசையமைக்கிறார் பவதாரிணி!

கிராமத்து கதையை களமாகக் கொண்ட ‘வெள்ளச்சி’ திரைப்படத்திற்கு பவதாரிணி இசையமைக்க உள்ளதாக தகவல் வெளியாகியுள்ளது.
இளையராஜாவின் இசை வாரிசான பவதாரிணி தந்தையின் இசையில் ஏராளமான பாடல்களைப் பாடியுள்ளார். சில படங்களுக்கு இசை அமைத்தும் இருக்கிறார் நீண்ட நாட்களுக்குப்பின்னர் மீண்டும் வெள்ளச்சி என்ற திரைப்படத்திற்கு இசை அமைக்க உள்ளதாக தகவல் வெளியாகி உள்ளது.
இந்த திரைப்படத்தின் கதாநாயகனாக பாண்டுவின் மகன் பிண்டு நடிக்க இருக்கிறார். இவர் ஏற்கனவே நதியா நடித்த பட்டாளம் திரைப்படத்தில் நடித்திருக்கிறார். அவருக்கு ஜோடியாக சுஜிதா உன்னி நடிக்கிறார். கஞ்சா கருப்பு சிறப்பு தோற்றத்தில் நடிக்க இருக்கிறார். கிராம கதைக் கருவை மையமாகக் கொண்ட இந்த திரைப்படத்தை வேலு விஸ்வநாதன் இயக்க இசை அமைக்கிறார் பவதாரிணி. ஜூன் மாதம் தொடங்கிய இந்த திரைப்படத்தின் படப்பிடிப்பு தற்போது இறுதிக்கட்டத்தை எட்டியுள்ளது.