பவதாரிணி இசையில் யுவன்

வேலு விஸ்வநாத் இயக்கத்தில் உருவாகும், “வெள்ளச்சி என்ற படத்திற்கு, இளையராஜாவின் மகள் பவதாரிணி இசை அமைத்துள்ளார். இந்த படத்தில், “பொய்யா போச்சு என் காதல் என, காதலியை பிரிந்த சோகத்தில், காதலன் பாடுவது போல் அமைந்த ஒரு பாடலை, இசை அமைப்பாளர் யுவன் ஷங்கர் ராஜா, அதிக உருக்கமாக பாடியுள்ளார். இதேபோல், “மச்சான்கோ, மாமன்கோ சொன்னா தான் கேளுங்கோ என்றொரு, எய்ட்ஸ் விழிப்புணர்ச்சி பாடலும், இந்தப் படத்தில் அமைந்துள்ளது. இந்த இரண்டு பாடல்களுக்குமே, எஸ்.கோபால்ஜி நடனம் அமைத்துள்ளார். இவர், “தா, மதுரைப் பொண்ணு சென்னை பையன், மலர் மேல்நிலைப் பள்ளி உள்ளிட்ட பல படங்களுக்கு, நடனம் அமைத்தவர்.