முனி 3 – அனிருத் இசையமைக்கிறார்

ராகவா லாரன்ஸ் இயக்கும் முனி 3 படத்துக்கு அனிருத் இசையமைக்கிறார்.

தமிழிலும், தெலுங்கிலும் லாரன்சின் காஞ்சனா – முனி 2 – மிகப்பெரிய வெற்றிப்படமாக அமைந்தது. ஆனால் இதனைத் தொடர்ந்து அவர் இயக்கிய தி ரிபெல் காஞ்சனாவுக்கு நேர் எதிராக மிகப்பெரிய தோல்வியை சந்தித்து. இந்தப் படத்தில் அதிகபடியான செலவை இழுத்துவிட்டதாக தயாரிப்பாளருக்கு பல கோடி ரூபாய் லாரன்ஸ் தர வேண்டும் என தயாரிப்பாளர் சங்கம் லாரன்சுக்கு கட்டளையிட்டது.

இப்படியொரு இடியாப்பப் பிரச்சனையில் சிக்கியிருக்கும் லாரன்ஸ் முனி 3 படத்தைதான் மிகவும் நம்பியிருக்கிறார். இதில் அவருடன் தாப்ஸி நடிக்கிறார். படப்பிடிப்பு நடந்து வருகிறது.

இந்தப் படத்துக்கு அனிருத் ஒப்பந்தம் செய்யப்பட்டுள்ளார். 3 படத்தைத் தொடர்ந்து அனிருத்தின் எதிர்நீச்சல் படப்பாடல்களும் சூப்பர்ஹிட்டானதால் முனி 3 க்கு அவரையே கமிட் செய்திருக்கிறார் லாரன்ஸ்.