தாண்டவம்!

ஒவ்வொரு படத்திலும் ஏதாவது ஒரு புதுமையை காட்டி, புல்லரிக்க செய்து விடுவார், விக்ரம். அதேபோல், தாண்டவம் படத்தில், மற்றொரு புதுமையை செய்ய காத்திருக்கிறார். இந்த படத்தில், பார்வையற்றவர், உளவுத் துறை அதிகாரி என, இரு மாறுபட்ட வேடங்களில் நடித்துள்ளார். கண்பார்வையற்றவராக நடிப்பதற்கு, அமெரிக்காவில் வசிக்கும் டேனியல் கிரிஸ் என்பவரை, ரோல் மாடலாக எடுத்துக் கொண்டிருக்கிறார், விக்ரம். இதுவே, படத்துக்கான எதிர்பார்ப்பை அதிகரித்துள்ளது. இதில், விக்ரமுக்கு ஜோடிகளாக, அனுஷ்கா, எமி ஜாக்சன் ஆகியோர் நடித்துள்ளனர். இலவச இணைப்பாக, லட்சுமி ராயும் உள்ளார். ஜி.வி.பிரகாஷ் இசையமைத்துள்ளார். அவரின் பின்னணி இசையும், பாடல்களும், படத்தின் ஓட்டத்துக்கு, ஊட்டம் சேர்க்கும் விதத்தில் இருக்கும் என, எதிர்பார்ப்பு ஏற்பட்டுள்ளது.