சென்னையில் குடியேறும் ஓவியா

களவாணி, மெரினா, கலகலப்பு ஆகிய படங்களின் வெற்றியால், ஓவியாவின் கை ஓங்கி உள்ளது. அவர் தற்போது, சில்லுன்னு ஒரு சந்திப்பு, மூடர் கூடம் போன்ற படங்களில் நடிக்கிறார். பட வாய்ப்புகள் குவிவதால், நிரந்தரமாக சென்னையில் குடியேற முடிவு செய்திருக்கிறார் ஓவியா. கேரளாவை பூர்விகமாக கொண்ட ஓவியா, சென்னைக்கு வந்து, ஓட்டலில் தங்குகிறார். இப்படி, அங்கும், இங்குமாக அலைவதை காட்டிலும், சென்னையிலேயே குடியேறுவது தான் சிறந்தது என, அவர் முடிவு செய்துள்ளார். தனக்கு தெரிந்த தயாரிப்பு நிர்வாகிகளிடம் இதை சொல்ல, அவர்கள் உடனே, ரியல் எஸ்டேட் காரர்களிடம் சொல்லி, ஓவியாவுக்காக வீடு தேட, சென்னை நகரத்தையே சல்லடை போட்டு சலித்துக் கொண்டிருக்கின்றனர். மனசுக்குப் பிடித்த மாதிரி வீடு அமைந்ததும், உடனே பால் காய்ச்சி குடியேற தயாராக இருக்கிறார் ஓவியா.