ஜி.வி.பிரகாஷ் படத்தில் ஓவியா

கலகலப்புக்குப் பிறகு அதி‌ல் நடித்த நட்சத்திரங்களும், இயக்கிய சுந்தர் சி-யும் படு பிஸி. ஆனால் ஒருவருக்கு கலகலப்பு கை கொடுக்கவில்லை, அவர் ஓவியா.

களவாணி, கலகலப்பு என தொடர்ந்து வெற்றிப் படங்களில் நடித்தாலும் அமலா பாலுக்கு கிடைத்த அதிர்ஷ்டம் ஓவியாவை இன்னும் டச் பண்ணவில்லை. தெலுங்கு, கன்னடம் என ரூட் மாறியவரை மீண்டும் தமிழுக்கு அழைத்து வந்திருக்கிறார் இசையமைப்பாளர் ‌ஜி.வி.பிரகாஷ்.

புலி வருது கதையாக பல வருடங்களாக படம் தயா‌ரிக்கிறேன் என்று சொல்லிக் கொண்டிருந்த ‌ஜி.வி.பிரகாஷ் அதற்கு இறுதி வடிவம் தந்திருக்கிறார். இவர் தயா‌ரிக்கிற படத்தை இயக்குகிறவர் பாலுமகேந்திராவின் நெடுநாளைய அசிஸ்டெண்ட் விக்ரம் சுகுமாரன். இதில் ஓவியா ஹீரோயின். ஹீரோ கதிர் என்ற புதுமுகம். இசை... முந்தி‌ரிக்கொட்டைத்தனமாக ‌ஜி.வி.பிரகாஷ் என்று சொன்னவர்கள் க்ளீன் அவுட். அவர் இசையமைக்கப் போவதில்லை. தன்னுடைய அசிஸ்டெண்டுகளில் ஒருவருக்கு அந்த வாய்ப்பை தரவிருக்கிறார்கள்.

அசிஸ்டெண்ட்களுக்கு குருமார்கள் காட்டும் கனிவைப் பார்த்தால் வெங்காயம் உ‌ரிக்காமலே கண் கலங்குது.
ஜிவி பிரகாஷ், ஓவியா, கலகலப்பு