என்னைப் பற்றி தவறான வதந்திகள் பரப்பப்படுகின்றன: நடிகை சுனைனா வருத்தம்

காதலில் விழுந்தேன்’ படம் மூலம் தமிழில் அறிமுகமானவர் சுனைனா. தொடர்ந்து அவர் நடித்த படங்கள் பெரிதாக ஓடவில்லை. தற்போது புதுமுகங்கள் ஜோடியாக அவர் நடித்து வருகிறார். முன்னணி ஹீரோக்கள் படங்களில் நடிக்க வாய்ப்புகள் வராததால் புதுமுக நடிகர்களுடன் ஜோடி சேர்வதாக கூறப்பட்டது.

சுனைனா நடித்த ‘பாண்டி ஒலிப்பெருக்கி நிலையம்’ படம் சமீபத்தில் ரிலீசானது. இப்படத்தில் புதுமுகம் சபரீஷ் ஜோடியாக நடித்தார். இவர் பிரபல ஸ்டண்ட் மாஸ்டர் பெப்சி விஜயன் மகன் ஆவார்.

தற்போது சீனுராமசாமி இயக்கும் ‘நீர்பறவை’ படத்தில் விஷ்ணு ஜோடியாக நடித்து வருகிறார். அடுத்து நாஞ்சில் பி.சி.அன்பழகன் இயக்கும் ‘நதிகள் நனைவதில்லை’ படத்தில் இன்னொரு ஸ்டண்ட் மாஸ்டரான ஜாகுவார் தங்கத்தின் மகன் ஜெய்ஜித் ஜோடியாக நடிக்கிறார்.

இதுகுறித்து சுனைனா கூறும்போது, என்னைப் பற்றி தவறான வதந்திகள் பரப்பப்படுகின்றன. சரியான செய்திகளை வெளியிடுமாறு கேட்டுக் கொள்கிறேன் என்றார்.