சிம்பு பற்றி தவறான வதந்திகள் பரப்புகிறார்கள்: டி.ராஜேந்தர்

சிம்புவும் அவரது நண்பர்களும் கடந்த சில நாட்க்களுக்கு முன்பு விஜிபி கோல்டன் பீச்சில் அமைந்திருக்கும் பப் ஒன்றில் குடித்துவிட்டு கலாட்டாவில் ஈடுபட்டதாகவும், இதில் சிம்பு மட்டும் உடனடியாக அந்த இடத்தில் இருந்து வெளியேறிவிட்டதாகவும் செய்திகள் வெளிவந்தன.

இந்த பிரச்னை தொடர்பாக தனியார் நிறுவன மேலாளர் ஒருவர் போலீசில் புகார் கொடுத்ததால் அந்த நண்பர்கள் மூன்று பேரும் கைது செய்யப்பட்டதாகவும் கூறப்பட்டது.

இந்த செய்தியை முற்றிலும் மறுத்துள்ளார் டி.ராஜேந்தர். சிம்புவிற்கு அப்படி யாருமே நண்பர்கள் கிடையாது, அவருடன் சேர்ந்து புகைப்படம் எடுத்துக்கொள்பவர்கள் எல்லாம் அவருக்கு நண்பர்கள ஆகிவிட முடியாது. சிம்பு மீது யாரோ வேண்டும் என்றே தவறான வதந்திகள் பரப்பி விடுகின்றனர் என்கிறார் டி.ராஜேந்தர்.