அஜீத்தின் 2-வது பட வேலைகள் தீவிரம்: நயன்தாராவுடன் நடித்து முடித்தார்

அஜீத்தின் 2-வது படவேலைகள் துவங்கியுள்ளன. விஷ்ணுவர்த்தன் இயக்கிய படத்தில் நடித்துவிட்டார். தற்போது சிவா இயக்கும் படத்தில் நடிக்க தயாராகிறார்.

விஷ்ணுவர்த்தன் படத்தில் அஜீத் ஜோடியாக நயன்தாரா நடித்தார். இதன் படப்பிடிப்பு மும்பையில் விறுவிறுப்பாக நடந்தது. பிரமாண்ட அரங்குகள் அமைத்தும் காட்சிகள் எடுத்தனர். இப்படத்துக்கு இன்னும் பெயர் வைக்கவில்லை.

‘தல’ என்ற தலைப்பை வைக்கலாம் என எழுத்தாளர் சுபா யோசனை தெரிவித்தார். அஜீத் அதனை ஏற்கவில்லை. எனக்கு தனிப்பட்ட முறையில் முக்கியத்துவம் அளிக்கும் வகையில் தலைப்பு வைக்க வேண்டாம். கதைக்கு தேவையான பெயரை சூட்டுங்கள் என கூறி விட்டார்.

இதன் படப்பிடிப்பு முடிந்ததையடுத்து இயக்குனர் சிவா படத்துக்கு வருகிறார். சிவா ஏற்கனவே கார்த்திக்கை வைத்து சிறுத்தை படத்தை எடுத்தவர். அஜீத் நடிக்கும் படத்தின் படப்பிடிப்பை டிசம்பர் 10-ந் தேதி ஜதராபாத்தில் அவர் துவக்குகிறார். இப்படத்துக்கு ஜெயமோகன் வசனம் எழுதுகிறார்.