பவர் ஸ்டார் படத்தை வாங்கிய ரெட் ஜெயண்ட்

நீர்ப்பறவை படத்தை தயா‌ரித்து வெளியிட்டிருக்கும் உதயநிதி ஸ்டாலினின் ரெட் ஜெயண்ட் மூவிஸின் அடுத்த வெளியீடு பவர் ஸ்டார் சீனிவாசன், சந்தானம் நடித்திருக்கும் கண்ணா லட்டு தின்ன ஆசையா?

சந்தானத்துக்கும் உதயநிதி ஸ்டாலினுக்கும் உள்ள நட்பு உலகறிந்தது. உதயநிதியின் முதல் படம் ஒரு கல் ஒரு கண்ணாடி மெகா ஹிட்டாக காரணம் சந்தானம். அதற்கு கைமாறாக சந்தானம் தயா‌ரித்து நடித்திருக்கும் கண்ணா லட்டு தின்ன ஆசையா படத்தின் விநியோக உ‌ரிமையை உதயநிதி வாங்கியுள்ளார்.

கண்ணா லட்டு தின்ன ஆசையா சந்தானம், சீனிவாசன், அறிமுக நடிகர் சேது ஆகியோ‌ரின் நடிப்பில் உருவாகியுள்ளது. முழுக்க காமெடியை நம்பி எடுக்கப்பட்டிருக்கும் இப்படத்தின் பாடல்கள் வரும் 9ஆம் தேதி வெளியாகிறது. ஷங்கர், சிம்பு கலந்து கொள்கின்றனர். டிசம்பர் 21ஆம் தேதி படத்தை வெளியிட திட்டமிட்டுள்ளனர். சிம்பு இதில் கெஸ்ட் ரோலில் நடித்துள்ளார்.

ரெட் ஜெயண்ட் விநியோக உ‌ரிமையை வாங்கியிருப்பதால் படத்தின் மார்க்கெட் வேல்யூ மேலும் அதிக‌ரித்துள்ளது.