தனுஷ்-சற்குணம் சேரும் ‘நையாண்டி’

தனுஷை வைத்து சற்குணம் இயக்கும் புதிய படத்துக்கு சொட்டவாளக்குட்டி என வைத்திருந்தனர். அதை தற்போது நையாண்டி என மாற்றியுள்ளனர். ‘களவாணி’, ‘வாகை சூடவா’ படங்களுக்குப் பிறகு சற்குணம் இயக்கும் படம் இது.

குத்துவிளக்கு கடை வைத்திருக்கும் பையனுக்கும், பல் டாக்டருக்குப் படிக்கும் பெண்ணுக்கும் ஏற்படும் காதல்தான் இந்தப் படத்தின் கதை கரு. எம்.ஜிப்ரான் இசையமைக்க, வேல்ராஜ் ஒளிப்பதிவு செய்ய, ‘பொல்லாதவன்’, ‘ஆடுகளம்’ படங்களைத் தயாரித்த கதிரேசன் இந்தப் படத்தைத் தயாரிக்கிறார். கதாநாயகி இன்னும் முடிவாகவில்லை. பரோட்டா சூரி, லட்சுமி ராமகிருஷ்ணன், சத்யன் ஆகியோரும் நடிக்கின்றனர்.