நாயகிக்காக காத்திருக்கும் 'நையாண்டி' படக்குழு

நாயகி கால்ஷுட் தேதிகளுக்காக மொத்த படக்குழுவும் காத்திருக்கும் அவல நிலை ஏற்பட்டுள்ளது.

'வாகை சூட வா' திரைப்படத்துக்குப் பிறகு சற்குணம் இயக்கும் திரைப்படம் 'நையாண்டி'. இதில் தனுஷ் நாயகனாகவும், நஷ்ரின் நாயகியாகவும் நடிக்கின்றனர். இதன் முதற்கட்ட படப்பிடிப்பை தஞ்சாவூரில் நடத்தி வந்த படக்குழு திடீரென பாதியிலேயே திரும்பி இருக்கிறது. இதற்கான காரணம் என்ன என்று பார்க்கையில் படப்பிடிப்பில் நாயகி முதல் இரண்டு நாட்கள் மட்டும் கலந்து கொண்டாராம். அதன் பின்பு "எனக்கு +2 தேர்வு இருக்கிறது. ஆகையால் ஏப்ரலில் இருந்து படப்பிடிப்பில் கலந்து கொள்கிறேன்" என்று கூறிவிட்டு சென்று விட்டாராம்.

எனவே நஷ்ரின் கால்ஷுட் தேதிகளுக்காக தனுஷ் உள்ளிட்ட 'நையாண்டி' படக்குழு காத்துக் கொண்டிருக்கிறார்கள். நீண்ட நாட்கள் கழித்து தனுஷ் நடிக்கும் காமெடி கதை என்பதால் படத்திற்கு இப்போதே எதிர்பார்ப்பு காணப்படுகிறது.