‘சிங்கம் 2’-வில் பவர் ஸ்டார்

சூர்யா, அனுஷ்கா நடித்து பெரும் வெற்றி பெற்ற ‘சிங்கம்’ படத்தின் இரண்டாம் பாகம் ‘சிங்கம்-2′ என்ற பெயரில் தயாராகி வருகிறது. இந்த திரைப்படத்திலும் சூர்யா-அனுஷ்கா இருவரும் ஜோடி சேர்கின்றனர். இன்னொரு நாயகியாக ஹன்சிகா மொத்வானியும் நடிக்கிறார். இப்படத்தில் அஞ்சலி ஒரு குத்துப் பாடலுக்கு நடனும் ஆடியிருக்கிறார்.

நகைச்சுவைக்கு ‘சிங்கம்’ நடித்த விவேக், அதே கதாபாத்திரத்தில் நடிக்கிறார். அவருடன் சந்தானமும் ஜோடி சேர்ந்து நடித்து வருகிறார். இந்த நிலையில் பவர்ஸ்டார் சீனிவாசனும் இந்த கூட்டணியில் இணைந்திருப்பதாக தகவல்கள் தெரிவிக்கின்றன.

இதுகுறித்து இயக்குனர் ஹரி கூறும்போது, விவேக்கும், சந்தானமும் முன்னணி காமெடியர்களாக உள்ளனர். இருவரும் ‘சிங்கம்-2’ படத்தில் நடிக்கிறார்கள். இப்போது லட்டு புகழ் ஸ்ரீனிவாசனையும் சேர்க்க முடிவு செய்துள்ளோம் என்றார்.

ஏற்கனவே இதன் முதல் பாகத்தில் விவேக் ‘ஏட்டு ஏழுமலை’ என்ற கதாபாத்திரத்தில் நடித்து இருந்தார். ‘சிங்கம்-2′ விலும் அதே வேடத்தில் நடிக்கிறார். சந்தானம் மற்றும் பவர் ஸ்டார் காமெடிகளுக்காக ஸ்பெஷல் டிஸ்கஷன் நடப்பதால் படத்தில் இன்னொரு சிறப்பான அம்சமாக இருக்கும் என்றார்.

மூன்று காமெடியர்கள் நடிப்பதால் காமெடி காட்சிகள் இப்படத்தில் களைகட்டும் என எதிர்பார்க்கப்படுகிறது.