கூவம் மீண்டும் நதியாக நடைபோடுமா? தந்தி டி.வி.யில் விவாதம் நேரடி ஒளிபரப்பு

கூவம் ஆறு மற்றும் அடையாறு...... சென்னை நகரின் நிராகரிக்க முடியாத அடையாளங்களுள் ஒன்று. சென்னையின் பெரும்பகுதிகளை கடந்து செல்லும் கூவம் ஆற்றின் நீர் ஒரு காலத்தில் குளிக்க, குடிக்கவும் பயன்படுத்தபட்டதும் உண்டு. ஆனால் தற்போதோ கூவம் ஆற்றின் சுத்தமான நீருடன் ஒட்டுமொத்த சென்னை மாநகரின் கழிவு நீரும் கூவத்தில் சேர்ந்து கடலில் கலக்கிறது. இதனால் சுகாதார சீர்கேடு ஏற்படுவதுடன் கடல் நீரும் மாசடைந்து வருகிறது. மாசடைந்த கூவத்தை சுத்தப்படுத்த மாநகர மற்றும் மாநில பட்ஜெட்டில் பல முறை நிதி ஒதுக்கி திட்டங்கள் தீட்டப்பட்டும் எந்த பலனும் இல்லை. கூவம் நதி திட்டம் கனவு திட்டமாகவே தொடர்கிறதா? ஆக்கிரமிப்பாலும், கழிவு நீர் கலப்பாலும் உருமாறி காட்சி தரும் கூவம் மீண்டும் நதியாய் நடைபோடுமா........ நேரலையில் களத்திலிருந்து நிருபர்களின் செய்திகளோடும், அரங்கத்தில் விருந்தினரோடும் காலை 10:10 மணிக்கு

வசந்த் தொலைக்காட்சியில் ஒளிபரப்பாக விருக்கும் புதிய தொடர், பொண்ணு பார்க்கப்போறோம். பெண் பார்ப்பது என்பது இன்றைய தினத்தில் ஒரு சடங்கு மாதிரியாகி விட்டது. மாப்பிள்ளை வீட்டார் கும்பலாக பெண் வீட்டுக்குப் போய் பஜ்ஜி, சொஜ்ஜி என்று வெட்டி விட்டு, கிளம்பும்போது போய் தகவல் செல்கிறோம் என்கிற செலவுகளுடன் கூடிய சம்பிரதாயத்துக்கு முற்றுப்புள்ளி வைக்கிறது, இந்த தொடர். இதில் நீங்கள் பார்க்கும் பெண் வீட்டார் ரொம்பவே வித்தியாசம். ஒவ்வொரு மாப்பிள்ளை வீட்டாரும் இவர்கள் வீட்டில் பெண் பார்க்கப் போய் அங்கே அவர்களுக்கு கிடைக்கும் அனுபவங்கள் அத்தனையையும் கலகல கலாட்டா ரகம். நகைச்சுவை நடிகர் பாண்டு மணப்பெண்ணின் தந்தையாக நடிக்க, சுருளிமனோகர், ரம்பாஸ்ரீ, அகிலா, ஈஸ்வரி, கவிதா ஆகியோர் சக நட்சத்திரங்கள். எழுத்து, இயக்கம்: ஜெயமணி.