தந்தி கருவூலம் தந்தி கருவூலம்

தந்தி தொலைக்காட்சியில் தினந்தோறும் ஒளிபரப்பாகும் வெவ்வேறு நிகழ்ச்சிகளிடையே அவ்வப்போது நம்மை ஆழமாக கவனிக்க வைக்கும் நிகழ்ச்சி, ‘தந்தி கருவூலம்‘. மற்ற தொலைக்காட்சிகளில் காணமுடியாத அறிவுபூர்வமான, பயனுள்ள நிகழ்ச்சியும் கூட. ஒரு நிமிடத்தில் உலக வரலாற்றை நேர்த்தியாக சொல்லும் இந்த நிகழ்ச்சி. சூரியனுக்கு கீழே உள்ள அத்தனை விஷயங்களையும் மக்களிடம் சேர்க்கும் நேர்மையான முயற்சி. ராமாயணத்திலிருந்து கும்பமேளா வரை, பித்தோவனிலிருந்து பீட்சா வரை நேற்றைய, இன்றைய வரலாறு ஒவ்வொன்றையும் சுருக்கமாக ஒரே நிமிடத்தில் சொல்லும் போது, அதற்குண்டான காட்சிகளும் அழகாக திரையில் விரியும். கருவூலத்தின் இன்னொரு சிறப்பம்சம், அந்த எளிய தமிழ்! பழைய வரலாற்றை சொல்லும்போது பார்ப்பவர்களை கவரும் யதார்த்த நடையில் அனைவரும் ரசிக்கும் வண்ணம் வர்ணனை அமைந்துள்ளது சிறப்பு. ‘தந்தி கருவூலம்’ தலைமுறை கடந்து பெரிய கருத்துப்பெட்டகமாக அமையும் என்பதில் எள்ளளவும் சந்தேகமில்லை.