மகனை ஹீரோவாக்க ஜெயப்பிரதா தீவிரம்

இந்தி, தெலுங்கு ஆகிய மொழிகளில், ஒரு காலத்தில், கொடி கட்டி பறந்தவர், ஜெயப்பிரதா. தமிழிலும், “நினைத்தாலே இனிக்கும், சலங்கை ஒலி ஆகிய படங்களில் நடித்தார். தற்போது இவருக்கு, தன் வாரிசை, கலைச் சேவையில் இறக்கி விட வேண்டும் என்ற ஆசை வந்துள்ளது.இவரது மகன், சித்தார்த்தை ஹீரோவாக்குவதற்காக, பல முன்னணி இயக்குனர்களுடன் பேசி வருகிறாராம். தன் மகனுக்கு ஜோடியாக, ஹன்சிகா நடித்தால் நன்றாக இருக்கும் என, நினைத்த, ஜெயப்பிரதா, இது தொடர்பாக, ஹன்சிகாவை தொடர்பு கொண்டு பேச, அவர், எந்த கேள்வியும் கேட்காமல், உடனடியாக, ஓ.கே., கூறினாராம். இதுபற்றி ஹன்சிகாவிடம் கேட்டபோது, “நான், ஜெயப்பிரதா மேடத்தின் தீவிர ரசிகை. அவரே, என்னிடம் கேட்டதால், சம்மதித்து விட்டேன். ஜெயப்பிரதா மீது, அவ்வளவு மரியாதை வைத்திருக்கிறேன் என்கிறார்.