தேவை இல்லாத கேள்வி கேட்டால் ஓங்கி அறைவேன்: பத்திரிகையாளர்களிடம் ஜெயப்பிரதா ஆவேசம்

உத்தரபிரதேச மாநிலத்தை சேர்ந்த போலீஸ் டி.எஸ்.பி. ஜியாவுல் ஹக் கடந்த 2ம் தேதி அடையாளம் தெரியாத நபரால் சுட்டுக் கொல்லப்பட்டார்.

அவரது மனைவி பர்வீன் ஆசாத்தை சந்தித்து ஆறுதல் கூறுவதற்காக நடிகையும் ராம்பூர் தொகுதி எம்.பி.யுமான ஜெயப்பிரதா நேற்று டியோரியா சென்றார்.

இந்த சந்திப்பு முடிந்து வெளியே வந்த ஜெயப்பிரதாவை சூழ்ந்துக்கொண்ட நிருபர்கள், 'வரும் பாராளுமன்ற தேர்தலில் சமாஜ்வாதி கட்சியில் மீண்டும் சேர்ந்து போட்டியிடுவீர்களா? அல்லது, சுயேட்சையாக போட்டியிடுவீர்களா?' என கேட்டனர்.

கோபத்தில் முகம் சிவந்த ஜெயப்பிரதா, 'இது என்ன தேவை இல்லாத கேள்வி? ஓங்கி ஒரு அறை விடுவேன்' என ஆவேசமாக கூறியபடி காரில் ஏறிச் சென்றார்.

மாயாவதி, மம்தா பானர்ஜி ஆகியோர் ஏற்கனவே நிருபர்களை மிரட்டியுள்ள நிலையில் தற்போது நடிகை ஜெயப்பிரதாவும் அவர்களை தரக்குறைவாக பேசியுள்ளதால் இதுபோன்ற பெண் அரசியல்வாதிகளை பேட்டி காணவே நிருபர்கள் தயங்குகின்றனர்.